Qoʻshimcha funksionallar
-
Tungi ko‘rinish
Pasport olishga ulgurmagan 2 mingga yaqin abituriyentga maxsus ma'lumotlar tayyorlab berildi
Davlat test markazi boshqarma boshlig‘i Diyorbek Qo‘chqorov AOKAda o‘tkazilgan brifingda pasport muammosi tufayli ro‘yxatdan o‘ta olmay qolgan abituriyentlar yo‘qligi ma'lum qilindi.
«Ro‘yxatdan o‘tishning oxirgi kunlarida kelib tushgan murojaatlarga ko‘ra, 16 ming nafarga yaqin abituriyent fuqarolik pasporti olish uchun hujjat topshirgan. Ularning 14 mingdan ortig‘iga pasportlar yetkazilgani to‘g‘risida mas'ullar tomonidan ma'lumot berildi», deya ta'kidladi DTM rasmiysi.
Qayd etilishicha, 2 mingga yaqin abituriyentning pasport olishga ulgurmasligi aniq bo‘lgach, ularga pasportning o‘rniga Migratsiya va fuqarolikni rasmiylashtirish bo‘limlari tomonidan 03-shakl (oldingi 09-shakl) ma'lumotnomalar berildi.
«Ular OTMlarning qabul komissiyalari orqali hujjat topshirgan. O‘qishga kirish niyatida bo‘lgan, lekin pasport muammosi tufayli hujjat topshira olmay qolgan abituriyentlar yo‘q», dedi Diyorbek Qo‘chqorov.
Eslatib o‘tamiz, DTM 09-shakl ma'lumotnoma orqali ro‘yxatdan o‘tish faqatgina kirish imtihonlariga qabul jarayonlariga taalluqli ekani, abituriyentlarga test sinovlari boshlangunga qadar fuqarolik pasportini olish tavsiya etilgandi. Fuqarolik pasportisiz esa abituriyentga test sinovlariga kirishga ruxsat berilmasligi ma'lum qilingan.
Bundan avvalroq bu yilgi eng yosh abituriyent 13 yoshda ekani xabar qilingandi.
Qabul-2020
Mavzuga oid
15:10 / 07.12.2023
Avval test ishlab, keyin qayerda o‘qish tanlanadi – 2024 yildan abituriyentlar qabuli o‘zgaradi
15:07 / 03.11.2023
Umumta’lim fanlaridan o‘qishga tavsiya etilgan darsliklar ro‘yxati e’lon qilindi
15:01 / 21.09.2023
Maksimal ball to‘plab kontraktga kirgan talabalar grantga o‘tkaziladi
08:22 / 12.09.2023