Xotin-qizlar tadbirkorligini rivojlantirish bo‘yicha muvofiqlashtiruvchi kengash tuzildi

Kengash Davlat dasturlariga gender yondashuvlarni joriy etish yo‘li bilan gender tenglikka ko‘maklashadi va qonun ijodkorligi faoliyatining barcha bosqichlarida gender tahlilni amalga oshiradi.

Foto: Norma.uz

O‘zbekiston Respublikasi Gender tenglikni ta'minlash masalalari bo‘yicha komissiyasi huzurida Xotin-qizlar tadbirkorligini rivojlantirish bo‘yicha muvofiqlashtiruvchi Kengash tuzildi.

Muvofiqlashtiruvchi Kengash doimiy faoliyat yurituvchi maslahat organi bo‘lib, davlat va xususiy sektor o‘rtasida hamkorlik mexanizmlarini kuchaytirish, shuningdek taraqqiyot bo‘yicha hamkorlar va fuqarolik jamiyati bilan xotin-qizlar tadbirkorligini rivojlantirish bo‘yicha ochiq muloqotni ta'minlash uchun ekspertlik, axborot va maslahat ta'minoti uchun tashkil etildi.

Kengashning asosiy maqsadi Davlat dasturlariga gender yondashuvlarni joriy etish yo‘li bilan gender tenglikka ko‘maklashish va qonun ijodkorligi faoliyatining barcha bosqichlarida gender tahlilni amalga oshirishdan iborat.

Shuningdek, yangi tuzilma Kichik va o‘rta biznesni rivojlantirish sohasida davlat siyosatini ishlab chiqish va amalga oshirish bo‘yicha takliflar kiritadi.