«Milliy falokat». O‘nlab qurbonlar, «juda ko‘p» jarohatlanganlar, xarobalar va Bayrutdagi portlashning boshqa tafsilotlari

Livan poytaxti Bayrutda 4 avgust kuni juda kuchli portlash sodir bo‘ldi - dastlabki xabarlarda shaharning port hududida pirotexnika ombori portlab ketgan. So‘nggi ma'lumotlarga ko‘ra, qurbonlar soni kamida 78 nafarni tashkil etmoqda, jarohatlanganlar soni aniq emas. Bayrut gubernatori Marvon Abbud ushbu hodisani Hirosima va Nagasakiga atom bombasi tashlangan holat bilan qiyosladi. «Men butun hayotim davomida bunday ko‘lamdagi vayrongarchilikka guvoh bo‘lmagandim. Bu milliy halokat», - degan u.