Maxtumquli ko‘chasidan Parkent ko‘chasiga o‘tish yo‘li yana bir kun yopiq bo‘ladi

Toshkent shahrining Parkent ko‘chasidan Maxtumquli ko‘chasiga o‘tish yo‘li 14 avgust soat 11:00ga qadar yopiq bo‘ladi.

Poytaxt hokimligi xabarida aytilishicha, bunga ta'mirlash ishlari olib borilayotgani sababdir.

Tirbandliklarning oldini olish maqsadida haydovchilarga aylanma yo‘llardan harakatlanish tavsiya qilingan.

Avvalroq, ushbu o‘tish yo‘li 13 avgust soat 11:00ga qadar yopilishi xabar berilgandi.