Janubiy Koreyada “Xayshen” to‘foni sababli xavflilikning eng yuqori darajasi e'lon qilindi

Janubiy Koreyada “Xayshen” to‘foni yaqinlashayotgani sababli to‘fonlardan ogohlantirishning eng yuqori darajasi e'lon qilindi. Bu haqda “Ryonxap” axborot agentligi xabar berdi.     

Bundan tashqari, mamlakatning bir qator hududlarida ko‘chkilar xavfliligining eng yuqori darajasi e'lon qilingan.

Janubiy Koreya prezidenti Mun Chje In hukumatga va to‘fon yopirilishi kutilayotgan Kanvondo provinsiyasi rahbariyatiga talafotlar oldini olishga puxta tayyorlanish vazifasini topshirgan. Bundan tashqari, mamlakat rahbari odamlarga ziyon yetmasligi uchun sohilbo‘yi hududlariga va yerosti yo‘llariga kirishni cheklashga chaqirgan.

“Xayshen” superto‘foni hozirda Yaponiyadan o‘tmoqda va Koreya yarimoroliga 7 sentyabrda yetib borishi kutilmoqda.