Qoʻshimcha funksionallar
-
Tungi ko‘rinish
Facebook smartfon kamerasi orqali Instagram foydalanuvchilarini kuzatganlikda ayblanmoqda
Da'vogar Brittani Konditining ta'kidlashicha, Facebook «o‘z foydalanuvchilari to‘g‘risidagi qimmatli ma'lumotlarni» boshqa yo‘l bilan yig‘a olmagani sababli smartfonlar kameralaridan foydalangan.
Foto: Izvestiya
San-Fransisko sudiga Facebook kompaniyasining Instagram ilovasi foydalanuvchilar foto va video suratga olmagan paytda ham iPhone kamerasidan foydalanayotganligi borasida da'vo arizasi kelib tushdi. Bu haqda Instagram foydalanuvchisi bergan ariza matniga asoslanib Bloomberg xabar qildi.
Shu yilning iyulida qator Instagram foydalanuvchilari ilova iPhone kamerasidan uning egasi ruxsatisiz foydalanishi mumkinligi to‘g‘risidagi eslatmaga e'tibor qaratishgandi. Facebook bu eslatmani nuqson deb izohlagan va foydalanuvchilarni smartfon kamerasi orqali kuzatmasligini bildirgandi.
Da'vogar Brittani Konditining ta'kidlashicha, Facebook «o‘z foydalanuvchilari to‘g‘risidagi qimmatli ma'lumotlarni» boshqa yo‘l bilan yig‘a olmagani sababli smartfonlar kameralaridan foydalangan.
Avvalroq, 12 avgustda, Facebook Instagram foydalanuvchilarining biometrik ma'lumotlarini yig‘ish uchun qiyofani aniqlash texnologiyasidan foydalanganlikda ayblangandi. Illinoyslik Instagram foydalanuvchisi ana shunday shikoyat bilan chiqqandi.
Kompaniya bu e'tirozni rad etgan va Instagram bunday texnologiyalardan foydalanmasligini ma'lum qilgan.
Mavzuga oid
19:42 / 22.10.2024
Facebook va Instagram mashhur insonlardan foydalanilgan reklama firibgarligiga qarshi kurashadi
13:53 / 22.10.2024
Meta bepul ovqatlanish kuponlariga maishiy buyumlar xarid qilgan xodimlarni ishdan bo‘shatdi
00:12 / 20.10.2024
Instagram hech qanday izohsiz eski videolarni skrinshotlarga aylantirib qo‘ymoqda
21:28 / 17.10.2024