Andijonda investor o‘zi qurgan bozordan foydalana olmayapti. Bu huquq bankrot bo‘lgan MChJga berilgan

Otang bozor, onang bozor, degan gap bor. Inson hayoti bozor bilan uzviy bog‘liq. Oziq-ovqat bozori, kiyim-kechak bozori... turlari ko‘p. Bozor sotuvchi va xaridorlarga qanchalik qulay bo‘lsa, u yerdan foydalanuvchilar soni ham ortadi, tushumlar ham ko‘payadi. Ammo mahalliy hokimiyat idoralarida qaror chiqarishda yo‘l qo‘yilgan kamchiliklar, sud qarorlariga e'tiborsizlik, davlat ro‘yxatidan o‘tkazishdagi chalkashliklar bozor qurgan tadbirkorlarning sudma-sud yurishiga sabab bo‘lmoqda.