Bishkekda favqulodda holat joriy etilmoqda. Prezident «davlatchilikka tahdid» yuzaga kelgani haqida gapirdi

Qirg‘iziston prezidenti Sooronbay Jeenbekov Bishkekda favqulodda holat rejimini joriy etish va shaharda tartibni saqlash uchun armiya bo‘linmalari va harbiy texnikalarni kiritish to‘g‘risidagi farmonni imzoladi. Bu vaqtda poytaxtda turli siyosiy guruhlar o‘rtasida to‘qnashuvlar boshlangan. Ommaviy norozilik aksiyalari, hukumat binolari namoyishchilar tomonidan egallab olinishi va ko‘plab amaldorlar iste'fosidan keyin mamlakatdagi vaziyatni kim nazorat qilayotgani noma'lum bo‘lib qolmoqda.