Tramp Pensilvaniyada ovoz berish natijalari o‘zgartirilganini aytdi

AQSh prezidenti Donald Tramp Pensilvaniya shtatida prezident saylovidagi ovoz berish natijalari noqonuniy ravishda o‘zgartirilgan deb hisoblamoqda. U bu haqda o‘zining tvitter sahifasida ma'lum qildi.

«Saylov kuni, seshanba kech soat sakkizdan keyin o‘n minglab ovozlar noqonuniy tarzda olindi, bu Pensilvaniya va boshqa ayrim shtatlarda natijalarni butunlay va osongina o‘zgartirdi», — deb yozdi Tramp.

Shuningdek, Trampning qayd etishicha, kuzatuvchilarning qator shtatlarda saylov uchastkalariga qo‘yilmaganligi sababli uning ovoz olish borasidagi yetakchiligi yo‘qqa chiqqan.

3 noyabr kuni AQShda navbatdagi prezidentlik saylovi o‘tkazildi. Unda amaldagi prezident respublikachi Donald Tramp va sobiq vitse-prezident Jo Bayden o‘zaro raqobat olib bordi.

Saylovda Bayden g‘alaba qozonishi tobora haqiqatga yaqin bo‘lib bormoqda, chunki u yaxshigina ustunlikka ega.

Donald Tramp saylov noxolis o‘tkazilganligini iddao qilib kelmoqda. Tramp jamoasi ayrim shtatlarda ovozlarni qayta hisoblashni talab qilmoqchi, ayrim shtatlarda esa sudga murojaat qilinishi mumkin.