Farg‘onada endokrinologiya shifoxonasining yangi binosi foydalanishga topshirildi

Endokrinologiya dispanserining yangi binosi prezident Shavkat Mirziyoyevning 2017 yil Farg‘ona viloyatiga tashrifi davomida belgilab berilgan ustuvor vazifalar doirasida bunyod etildi.

Dispanser binosining ochilish marosimida viloyat hokimi Xayrullo Bozorov, viloyat sog‘liqni saqlash boshqarmasi boshlig‘i H.Mamajonov hamda keng jamoatchilik vakillari ishtirok etishdi.

Qurilish ishlariga Davlat investitsiya dasturi doirasida 14,8 mlrd so‘m mablag‘ yo‘naltirildi.

Kun.uz muxbirining xabar berishicha, dispanser viloyat aholisiga endokrin xizmat ko‘rsatishga mo‘ljallangan bo‘lib, yangi majmuada 120 o‘rinli statsionar, 150 ambulator qatnovli poliklinika va boshqa qo‘shimcha binolar bunyod etilgan.

Shuningdek, majmuaga o‘pkani sun'iy shamollatish apparati (IVL), kardiomonitor, EKG, yuqori texnologiyali rentgen apparati, portativ rentgen, portativ UTT apparati, IFA analizatori, SIPAP apparati, kislorod konsentratorlari, jarrohlik stollari jamlanmasi va boshqa zamonaviy tibbiy jihozlar o‘rnatilgan.

#Farg‘ona viloyati #endokrinologiya dispanseri

Kun.uz yangiliklarini Google News'da kuzating

+ Obuna bo'lish