1 yanvardan investitsiyaviy nizolar va raqobatga oid ishlar Oliy sudda ko‘riladi

Ushbu sudlov tarkibiga 2021 yil 1 yanvardan boshlab yirik investorlar va davlat organlari o‘rtasida yuzaga keladigan investitsiyaviy nizolar hamda raqobatga oid ishlarni ko‘rish vakolati beriladi.

Tegishli qonun loyihasi ayni paytda Oliy Majlis Qonunchilik palatasida ko‘rilmoqda.

Qonun loyihasi sud tizimiga oid prezident farmonlaridagi vazifalardan kelib chiqib tayyorlangan bo‘lib, unda quyidagilar belgilangan:

• investitsiyaviy nizolar bo‘yicha yirik investorlarning, raqobatga oid ishlar bo‘yicha taraflarning xohishiga ko‘ra, ushbu toifadagi ishlar bevosita Sudlov tarkibi tomonidan birinchi instansiya sudi sifatida ko‘riladi;
• qolgan investitsiyaviy nizolar investorlarning xohishiga ko‘ra, Qoraqalpog‘iston Respublikasi, viloyatlar va Toshkent shahar sudi tomonidan birinchi instansiya sudi sifatida ko‘rilishi mumkin.