«Spartak»da imkoniyat berilmasa, «Rubin»ga o‘tish kerak». Vadim Abramov Oston O‘runovning o‘yin amaliyotisiz qolayotgani haqida

«O‘runovning «Rubin»ga o‘tishi mumkinligi haqida o‘qidim. O‘zbekiston milliy jamoasi bosh murabbiyi sifatida Ostonning o‘yin amaliyotiga ega bo‘lishini istayman. «Spartak»da o‘ynaydimi yoki «Rubin»da – farqi yo‘q, men uchun eng asosiysi uning sport formasida bo‘lishidir. Albatta, u Moskva klubi safida o‘ynab keta olsa zo‘r bo‘lardi. Ammo bu klubda murabbiy uni asosiy tarkibda ko‘rmayotgan va imkoniyat bermasa, yaxshisi, unga o‘ynashga imkoniyat beradigan «Rubin»ga o‘tishi kerak.

Ostonning nega o‘yin amaliyotiga ega bo‘lmayotgani haqida gapirish qiyin. Chunki O‘runov jarohati sababli ko‘p vaqtni tiklanish uchun sarfladi. Shu bois uni maydon markazida raqobatni boy berayotgani haqidagi fikrga qo‘shilmayman. U milliy jamoaga ham jarohati bilan yetib kelgani sababli Toshkentdan Moskvaga qaytishiga ruxsat bergandik. 

O‘runov «Spartak»da qolsa, o‘yin amaliyotiga ega bo‘lishi aniq. O‘shanda u o‘zini yana ko‘rsatish imkoniyatiga ega bo‘ladi. Qishki tanaffus yaqinlashmoqda. Yig‘inlarda hamma narsa bo‘lishi mumkin. U mashg‘ulotlarda o‘zini yaxshiroq ko‘rsata boshlasa, asosiy tarkibga qaytishi mumkin», - deydi Vadim Karlenovich «Vsyoprosport.ru» saytiga.

Avvalroq, «Rubin» Oston O‘runov transferi uchun 2 million yevro taklif qilayotgani haqida xabar berilgandi.