Jonson Buyuk Britaniyada yangi cheklovlar joriy etilishini e'lon qildi

Cheklovlar 30 dekabrgacha davom etadi va ushbu muddatdan so‘ng ko‘rib chiqiladi.

Foto: PA

Buyuk Britaniya bosh vaziri Boris Jonson koronavirus tarqalishi sababli London hamda Angliyaning janubi-sharqi va sharqida to‘rtinchi darajadagi cheklovlar joriy etilishini e'lon qildi.

Ushbu hududlar aholisi hududdan tashqariga chiqmasligi, imkoniyat bo‘lsa uydan turib ishlashi va muloqotlarni cheklashi lozim, deb xabar bermoqda BBC News. Oziq-ovqat do‘konlaridan boshqa do‘konlar va sport zallari yopiladi.

Cheklovlar 30 dekabrgacha davom etadi va ushbu muddatdan so‘ng ko‘rib chiqiladi.

Eslatib o‘tamiz, 8 dekabrda Buyuk Britaniya dunyoda birinchi bo‘lib koronavirusga qarshi ommaviy emlashni boshladi. Britaniya hukumati Pfizer va BioNTech kompaniyalari hamkorlikda ishlab chiqargan vaksinadan foydalanmoqda.