Qirg‘iziston 1,2 mln doza koronavirusga qarshi vaksina sotib oladi

Qirg‘iziston 1,2 mln doza koronavirusga qarshi vaksina olishga ariza berdi, deb xabar qildi "Kabar" axborot agentligi.

 Xabarda aytilishicha, bu haqda mamlakat bosh vaziri o‘rinbosari Elvira Surabaldiyeva ma'lum qilgan.

Uning so‘zlariga ko‘ra, Qirg‘izistonda shu tarzda aholining 20 foizdan ortig‘i koronavirusga qarshi emlanadi.

 Surabaldiyeva shuningdek, tibbiyot qurilmalaridan belgilangan qoidalar bo‘yicha foydalanish yuzasidan tibbiyot xodimlari o‘rtasida tushuntirish ishlari olib borilishini aytdi.

"Uzoq xorijdagi mamlakatlarning biridagi shifoxonada kislorod qurilmasi portlashi kabi favqulodda hodisalarga yo‘l qo‘ymaslik uchun ehtiyot choralarini ko‘rishimiz shart. Tibbiyot xodimlariga yo‘riqnoma berish bo‘yicha har bir rahbarga shaxsiy javobgarlik yuklatiladi", - dedi u.

Oxirgi ma'lumotlarga ko‘ra, Qirg‘izistonda koronavirus yuqtirganlar soni 79,9 mingga yaqinlashgan, 1,3 mingdan ortiq bemor vafot etgan.