Qoʻshimcha funksionallar
-
Tungi ko‘rinish
Shavkat Mirziyoyev: Jizzaxda qulab tushgan uyni qurganlar qonun oldida javob berishi kerak
Prezident Jizzax viloyati hokimining qurilish bo‘yicha o‘rinbosariga chora ko‘rishni talab qildi. Avvalroq bu amaldorning qarindoshlari qurilishlar bo‘yicha bir necha yuz milliard so‘mlik davlat buyurtmalarini qo‘lga kiritgani ma'lum bo‘lgandi.
Prezident Shavkat Mirziyoyev 15 yanvar kuni Yunusobod tumani faollari bilan uchrashuv chog‘ida qator muammolarga, jumladan, Jizzaxda qulab tushgan uy masalasiga to‘xtaldi. Bu haqda Kun.uz muxbiri xabar bermoqda.
«Meni maqtayversalaring, hech narsa o‘zgarmaydi, qarsak bilan umrimiz o‘taveradi. Xalqni rozi qilishni o‘ylash kerak. Shunday qilaylikki, farzandlarimiz, nabiralarimiz bizdan rozi bo‘lsin.
Davlat idoralariga talab bundan ham qattiq bo‘ladi. Mana, men yaqinda ikki vazirni ishdan oldim. Yana qator vazirlar, vazir o‘rinbosarlari qattiq ogohlantirish oldi. Nimaga desangiz, aravani tortish kerak, bo‘lmasa ketish kerak.
Jizzaxdagi uy qurilishiga yo‘l qo‘yganlar qonun oldida javob berishlari kerak. Bu masala albatta nazoratda bo‘lishi kerak», – dedi davlat rahbari.
Prezidentning ta'kidicha, Jizzax viloyati hokimining qurilish bo‘yicha o‘rinbosari hozirgi siyosatga xiyonat qilgan.
«Uning butun to‘dasiga qonuniy jazo belgilanishi kerak. Sholi kurmaksiz bo‘lmaganidek, baribir eski zamonni qo‘msagan noinsoflar ham bor. Ular erkinlik, ochiqlik siyosatini tushunmaydi», – dedi Shavkat Mirziyoyev.
Avvalroq, jamoatchilik surishtiruvida ma'lum bo‘lgandiki, Jizzax viloyati hokimining qurilish bo‘yicha o‘rinbosari Akrom Rahmonqulovning qarindoshlari ijtimoiy va boshqa soha obektlarini qurish bo‘yicha bir necha yuz milliard so‘mlik davlat buyurtmalarini qo‘lga kiritgan. Akrom Rahmonqulov qarindoshlari yutgan tenderlarda komissiya rahbari sifatida qatnashgan.
- 10 yanvar kuni Jizzax shahridagi Zilol mahallasi Mustaqillik ko‘chasida yangi qurilayotgan, 6 qavatdan iborat ko‘p qavatli uy quladi. Holat yuzasidan jinoyat ishi qo‘zg‘atilgan, bosh vazirning birinchi o‘rinbosari Ochilboy Ramatov boshchiligida hukumat komissiyasi tuzilgan.
Jizzaxda qulagan uy 6 marta hududiy nazorat inspeksiyasi nazoratidan o‘tkazilgani ma'lum qilindi
«Nazorat bo‘lmagan» — Qurilish vaziri Jizzaxdagi bino qulashi sabablari haqida gapirdi
Jizzaxda 6 qavatli bino qulashi
Mavzuga oid
09:40 / 20.03.2025
Jizzaxda yuk mashinasi va mikroavtobus to‘qnashdi. Qurbonlar bor
17:43 / 27.02.2025
Jizzax viloyati soliq boshqarmasiga yangi rahbar tayinlandi
11:20 / 25.02.2025
Shavkat Mirziyoyev, Sadir Japarov va Imomali Rahmonning birinchi uch tomonlama sammiti mart oxirida bo‘lib o‘tadi
20:25 / 24.02.2025