Moskvadagi Qizil maydon vaqtincha yopildi

2 fevral kuni politsiya talabi bilan Moskva shahar sudi atrofidagi bir nechta ko‘chalarda harakatlanish cheklandi.

Foto: Exo Moskvy

Moskvadagi Qizil maydonga tashrif buyuruvchilarning kirishi vaqtincha taqiqlandi. Bu haqda «Exo Moskvi» radiostansiyaning Twitter-akkauntida xabar qilinmoqda.

«Qizil maydonga kirish yopildi, atrofda juda ko‘p politsiya va kuch tuzilmalari mashinalari turibdi», — deyiladi xabarda.

RIA Novostining federal qo‘riqlash xizmati vakillariga tayanib xabar qilishicha, ushbu chora huquqni muhofaza qilish organlari so‘roviga asosan amalga oshirildi.

2 fevral kuni politsiya talabi bilan Moskva shahar sudi atrofidagi bir nechta ko‘chalarda harakatlanish cheklandi. Ushbu chora muxolifatchi Aleksey Navalniy ustidan o‘tkazilayotgan sud majlisi fonida qabul qilindi.