Myanmada harbiylar xalqaro aviaaloqani to‘xtatishdi

Myanmada davlat to‘ntaruvi orqali hokimiyatni egallab olgan harbiylar mamlakat bilan xalqaro aviaaloqa to‘xtalishini e'lon qilishdi. Myanmar Times nashrining xabar berishicha, aviaaloqa 31 maygacha to‘xtatiladi.

Foto: Reuters

Parvozlarning bajarilishiga ta'sir qilishi mumkin bo‘lgan hodisalar yuzasidan uchuvchilar uchun chiqariladigan bildirishnomada (Notice to Airmen, NOTAM) Myanma aeroportlaridan xalqaro aviareyslarni bajarish va qabul qilish 31 maygacha to‘xtatilishi aytilgan.

Shu bilan birga, ta'kidlanishicha, Myanma aeroportlari hozircha parvozlar to‘xtatilishi haqida ko‘rsatmalar olmagan. Myanmadagi xorijiy elchixonalar esa o‘z fuqarolariga xalqaro aviaaloqa 30 aprelgacha to‘xtalishini ma'lum qilgan.

Myanmada 1 fevralda harbiylar mamlakat boshqaruvini o‘z nazoratlariga olishdi. 1 fevral ertalab prezident Vin Min, hukmron partiya yetakchisi va mamlakat rahbari Aun San Su Chji hamda siyosiy rahbariyatning ko‘plab vakillari hibsga olingan. Bu 63 yil ichida Myanmada amalga oshirilgan 4-davlat to‘ntaruvi hisoblanadi.

Tayyorlagan Шуҳрат Раҳимов

#Myanma #aviaaloqa

1 fevral kuni Myanmada harbiylar mamlakatning amaldagi rahbari Aung San Suu Kyini hibsga olib, hokimiyat armiya bosh qo‘mondoni Min Auing Hlaingga o‘tganini, bir yil davomida favqulodda holat rejimi amalda bo‘lishini e’lon qilishdi.