Turkiyada konstitutsiya yangilanishi mumkin

Turkiya prezidenti Rajab Toyyib Erdo‘g‘an mamlakatda yangi konstitutsiya qabul qilinishi mumkinligini aytdi. Bu haqda Onado‘lu agentligi xabar bermoqda.

"Ehtimol, Turkiyada yangi konstitutsiyani qabul qilishni yana muhokama qilish vaqti kelgandir", -dedi u respublika vazirlar mahkamasi yig‘ilishi yakunlari bo‘yicha.

"Agarda Xalq alyansi bo‘yicha hamkorimiz bilan murosaga kelsak, yaqin davrda yangi konstitutsiya bo‘yicha choralar qabul qilishimiz mumkin", -deya qo‘shimcha qildi Turkiya rahbari.

Erdo‘g‘anning ta'kidlashicha, yangi konstitutsiya ustidagi ishlar shaffof olib borilishi, yakuniy matn esa xalq e'tiboriga havola qilinishi lozim.