Ukrainada koronavirusni qayta yuqtirish bilan bog‘liq yuzlab holatlar qayd etilgani ma'lum qilindi

Mamlakat sog‘liqni saqlash vaziri Maksim Stepanovning so‘zlariga ko‘ra, qayta yuqtirish holatlari kasallikka birinchi marta chalingandan so‘ng oradan uch-olti oy o‘tgach qayd etilmoqda.

Ukraina sog‘liqni saqlash vaziri Maksim Stepanov mamlakatda koronavirusni qayta yuqtirish bilan bog‘liq 600ga yaqin holat qayd etilganini ma'lum qildi.

Stepanovning so‘zlariga ko‘ra, qayta yuqtirish holatlari kasallikka birinchi marta chalingandan so‘ng oradan uch-olti oy o‘tgach qayd etilmoqda.

Bu holat vaksinadan samarali foydalanish uchun emlash o‘tkazishda hisobga olinadi, dedi u.

5 fevral holatiga ko‘ra, Ukrainada koronavirus yuqtirganlar soni 1 mln 237 mingdan oshgan, 22707 kishi vafot etgan.

Sutka davomida 4923 kishida kasallik aniqlangan.

O‘tgan yil dekabrida Rospotrebnadzor rahbari Anna Popova dunyo bo‘yicha koronavirusni qayta yuqtirish bilan bog‘liq holatlar bir necha o‘ntani tashkil etganini aytgandi.