Shavkat Mirziyoyev: Qirg‘iziston bilan So‘x va boshqa chegaralar masalalarini muhokama qilayapmiz

Namangan viloyati xalq deputatlarining navbatdan tashqari sessiyasi ishida davlat rahbari Shavkat Mirziyoyev ishtirok etmoqda. Tumanlardagi muammolar tahlil qilinayotgan bir paytda Chust tumani G‘ova qishlog‘idagi Qirg‘izistonga chegara o‘tkazish punkti haqida so‘z bordi.

Foto: Prezident matbuot xizmati

“Nafaqat bu post, balki So‘x masalasini ham muhokama qilyapmiz. Qo‘shni, qardosh qirg‘iz xalqi, rahbariyati bilan shaxsan o‘zim muloqot qilib turibman. Mana, kuni kecha Tashiyev [Qirg‘iziston davlat milliy xavfsizlik qo‘mitasi boshlig‘i Qamchibek Tashiyev] janoblari chegara masalalari bo‘yicha o‘z fikrlarini bildirdi.

Bizning munosabatlarimiz besh yil avvalgiga qaraganda keskin farq qiladi. Bu masalalar ustida jiddiy ishlaymiz”, – dedi davlat rahbari.

O‘zbekiston va Qirg‘iziston o‘zaro yer almashadi — Qirg‘iziston davlat milliy xavfsizlik qo‘mitasi boshlig‘i

#Qirg‘iziston #Shavkat Mirziyoyev #Namangan viloyati #So‘x tumani