Pokiston yadro qurolini tashiy oladigan ballistik raketa sinovini o‘tkazdi

Pokiston kichik masofaga mo‘ljallangan Shaheen-1A ballistik raketasi sinovini o‘tkazdi.

Mamlakat qurolli kuchlarining ma'lumot berishicha, yuqori aniqlikka ega raketaning parvoz qilish masofasi 900 kilometrni tashkil etadi.

Uzunligi 12 metrli mazkur raketa yadroviy kallakni tashiy oladi. Yadroviy kallakning og‘irligi bir tonnaga teng.

Pokiston yanvar oxirlarida o‘rta masofaga mo‘ljallangan Shaheen-III ballistik raketasi sinovini o‘tkazgandi. Pokistonlik ekspertlarning so‘zlariga ko‘ra, uzunligi 19 metrli bu raketa og‘irligi bir tonnagacha bo‘lgan yadroviy kallak bilan jihozlanishi mumkin. Uning parvoz masofasi 2750 kilometrni tashkil etadi.