Qo‘ng‘irot–Nukus–Xiva yo‘nalishida yo‘lovchi poyezdlar qatnovi yo‘lga qo‘yiladi

Qo‘ng‘irot–Nukus–Xiva yo‘nalishida 4 aprel, yakshanbadan boshlab, haftaning har yakshanba kunlari yo‘lovchi poyezdlarining qatnovi yo‘lga qo‘yiladi. Bu haqda Transport vazirligi axborot xizmati xabar berdi.

Ma'lum qilinishicha, qatnov dam olish kunlarida fuqarolarning sayohatga chiqishi uchun yanada ko‘proq qulaylik yaratish maqsadida yo‘lga qo‘yilgan. Qatnovni amalga oshirish uchun 2 ta — 604, 603-sonli shaharlararo poyezd yo‘nalishlararo harakatlanadi.

Qayd etilishicha, Qo‘ng‘irot–Xiva yo‘nalishida qatnovini boshlaydigan 604-sonli poyezd soat 03:54 da Qo‘ng‘irot temir yo‘l vokzalidan hamda Xiva–Qo‘ng‘irot yo‘nalishida qatnovini boshlaydigan 603-sonli poyezd soat 16:45 da Xiva temir yo‘l vokzalidan jo‘naydi.