Surxondaryodan Toshkentga yana bir yo‘lovchi poyezd qatnovi yo‘lga qo‘yiladi

2023 yil 10 dekabr kunidan boshlab «Toshkent — Sariosiyo — Toshkent» yo‘nalishida yangi yo‘lovchi poyezd harakatlana boshlaydi. Bu haqda «O‘zbekiston temir yo‘llari» AJ xabar bermoqda.

Ma’lum qilinishicha, shu paytgacha «Toshkent – Termiz – Sariosiyo» yo‘nalishida har kuni bir marotaba harakatlanadigan yo‘lovchi poyezdi qatnovi bo‘lgan.

Bu poyezd «Toshkent-Termiz-Toshkent» yo‘nalishida qatnovlarni amalga oshirishda davom etadi. 10 dekabrdan boshlab «Toshkent-Sariosiyo-Toshkent» yo‘nalishida alohida qatnov boshlanadi.

Yo‘nalishlar quyidagi jadval asosida harakatlanadi:

• 82-sonli «Toshkent — Sariosiyo» yo‘nalishi:

Toshkent 21:40 — Sariosiyo 12:08

• 81-sonli «Sariosiyo — Toshkent» yo‘nalishi:

Sariosiyo 19:13 — Toshkent 11:47

• 80-sonli «Toshkent — Termiz» yo‘nalishi:

Toshkent 19:50 — Termiz 9:40

• 79-sonli «Termiz — Toshkent» yo‘nalishi

Termiz 17:43 — Toshkent 8:53

«Hozirgi kunda «Toshkent – Termiz – Sariosiyo» yo‘nalishida har kuni bir marotaba harakatlanadigan yo‘lovchi poyezdi mavjud bo‘lib, u ajralmas tarkib bilan harakatlanadi. Ushbu poyezdning ikkita yo‘nalishda alohida qatnovlarini tashkil etish ehtiyoji paydo bo‘ldi. Shu maqsadda yo‘lovchi tashishlar sonini ikki barobarga oshirishga qaratilgan «Toshkent – Sariosiyo – Toshkent» yo‘nalishida alohida yo‘lovchi poyezdi harakati yo‘lga qo‘yildi», deyiladi xabarda.