«Shunchalik ham befarq bo‘lish mumkinmi? Kechirasizlar-ku, odam yoqasini ushlaydi» - Aripov
Bugun, 17 aprel kuni bosh vazir Abdulla Aripov boshchiligida koronavirusga qarshi kurash komissiyasining kengaytirilgan yig‘ilishi bo‘lib o‘tmoqda. Bu haqda Kun.uz muxbiri xabar berdi.
“Kasallanish holatlarining oshishi, birinchi navbatda, oddiy ehtiyot choralariga rioya qilmaslik, ya'ni tibbiy niqobdan foydalanmaslik, ijtimoiy masofani saqlamaslik oqibatida yuz beryapti. Ko‘chaga chiqsangiz, xuddi kasallikni yengib bo‘ldik, kasallikdan qutuldik, u endi boshqa yerga qarab ketdi, degan noto‘g‘ri fikrda yurgan fuqarolar borgan sari ko‘payib boryapti.
Hududlarga bo‘lgan tashrifda yoki Toshkent shahrida mahallabay amalga oshirilayotgan ishlarni o‘rganish uchun tashkillashtirilgan monitoring tadbirlarida o‘zim ko‘rib hayron bo‘lib qoldim. O‘zimiz ham tibbiy niqob taqib bordik, ammo u yerda yurgan biron kishi tibbiy niqob taqib yurganini ko‘rmadim. Shunchalik ham befarq bo‘lish mumkinmi? Kechirasizlar-ku, odam yoqasini ushlaydi. Bu kasallik xuddi elektr tokiga o‘xshaydi, hidi ham, rangi ham, mazasi ham yo‘q, odamni ham tanlab o‘tirmaydi”, dedi Abdulla Aripov.
Bundan oldin, 18 apreldan karantin qoidalari kuchaytirilishi xabar qilingandi.
Mavzuga oid
00:57 / 10.09.2024
Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi
22:17 / 09.09.2024
Rossiya va O‘zbekiston o‘rtasida temiryo‘l qatnovi to‘liq tiklangani e’lon qilindi
18:21 / 09.09.2024
Rossiya bosh vaziri Mixail Mishustin O‘zbekistonga ikki kunlik tashrif bilan keldi
19:49 / 17.08.2024