Samarqandda tanishining SMSlarni tarqatib yubormaslik evaziga pul talab qilgan ayolga jinoiy ish qo‘zg‘atildi

Samarqand viloyati Past Darg‘om tumanida yashovchi ayol shu tumanda yashovchi shaxsga unga tegishli SMS yozishmalarni xotiniga ko‘rsatmaslik evaziga yirik miqdorda pul talab qilgan. Bu haqda viloyat IIB xabar bermoqda.

Ma'lum qilinishicha, 2021 yil 15 aprel kuni Past Darg‘om tumanida yashovchi Xayrullo tuman IIBga ariza bilan murojaat qilgan. Unda, Umida ismli tanishi, Bahora ismli boshqa bir ayol bilan yozishgan SMSlarini qo‘lga kiritib, ushbu yozuvlarni turmush o‘rtog‘iga berishini aytib qo‘rqitayotganini ma'lum qilgan.

Qayd etilishicha, Bahora Xayrulloning yozishmalarini tarqatib yubormaslik evaziga undan 14 million so‘m pul talab qilgan. Xayrullo o‘z murojaatida Umidaga nisbatan qonuniy chora ko‘rishlarini so‘ragan.

Ta'kidlanishicha, 2021 yil 15 aprel kuni Past Darg‘om tumani IIB JQB xodimlari tomonidan o‘tkazilgan tezkor-tadbir davomida, Umida Xayrullodan kelishilgan puldan 1000 AQSh dollarini olgan vaqtida ashyoviy dalillar bilan ushlangan.

Holat yuzasidan Pastdarg‘om tuman IIB huzuridagi tergov bo‘limi tomonidan jinoyat kodeksining 165-moddasi (Tovlamachilik) 1-qismi bilan jinoyat ishi qo‘zg‘atilgan.

Samarqandda fuqaroni TikTok’da sharmanda qilish bilan qo‘rqitib tovlamachilik qilganlar ushlandi

Samarqandda tanishining suratlarini tarqatish bilan qo‘rqitib, pul talab qilgan shaxsga jinoyat ishi qo‘zg‘atildi