Jongeldida shamol elektr stansiyasi quriladi

Energetika vazirligi va Saudiya Arabistonining «ACWA POWER» kompaniyasi o‘rtasida 2030 yilgacha O‘zbekiston Respublikasini elektr energiya bilan ta'minlash konsepsiyasini amalga oshirish doirasida bitim tuzilgan.

Ushbu bitimga muvofiq Peshko‘ tumanining «Jongeldi» mahalla fuqarolar yig‘inida 500 MVt quvvatga ega shamol elektr stansiyasini qurish va ekspluatatsiya qilish loyihasi ishlab chiqildi. 

18 aprel kuni xalqaro hamda mahalliy ekspertlar ishtirokida «Jongeldi shamol elektr stansiyasi» qurilishining atrof-muhitga ta'sirini baholash bo‘yicha jamoatchilik eshituvi tashkil etildi. 

Yig‘ilishda mutaxassis ekspertlar, Ekologiya va atrof-muhitni muhofaza qilish qo‘mitasi, Sanitariya-epidemiologik osoyishtalik va jamoat salomatligini saqlash xizmati, irrigatsiya xodimlari hududda shamol elektr stansiyasi qurilishiga rozilik bildirishdi.