Koreyada O‘zbekiston fuqarolari uchun doimiy konsultatsiya xizmati ishga tushadi

«Southwest Seoul Global Center» markazi mamlakat hududida bo‘lib turgan chet elliklarga huquqiy,  mehnat va oila munosabatlari,  migratsiya masalalarida beg‘araz yordam va maslahatlar berishga ixtisoslashgan tashkilot hisoblanadi.  Markazda xorijiy fuqarolarga bepul tibbiy xizmat ko‘rsatish,  koreys tili o‘quv kurslarini tashkil etish,  madaniy tashkilotlarga turli tadbirlarni o‘tkazishda ko‘maklashish va xorij fuqarolari uchun advokat yordamini taqdim qilish kabi xizmatlar ko‘rsatiladi.  

Jumladan,  markaz rahbari Kim Dong Xun O‘zbekiston tomoni bilan ishlab chiqilgan ushbu memorandum  «Southwest Seoul Global Center» uchun chet elchixonasi bilan imzolangan birinchi kelishuv hisoblanishini alohida ta'kidlab o‘tdi.  Rahbarning ma'lum qilishicha,  endilikda markazda O‘zbekiston fuqarolari uchun alohida telefon orqali o‘zbek tilida doimiy maslahat berish xizmati yo‘lga qo‘yiladi.  

Ushbu memorandumda belgilangan chora-tadbirlar va yangi imkoniyatlar haqida elchixona ijtimoiy tarmoqlari orqali Koreyadagi yurtdoshlarimizga qo‘shimcha ma'lumotlar beriladi.