Qashqadaryo viloyatida 2-jahon urushi qatnashchilariga Prezident sovg‘asi topshirilmoqda

5 may kuni Qamashi tumanida yashovchi 112 yoshli Ro‘ziboy bobo Sattorovga Prezident sovg‘asi va 12 mln so‘m pul mukofoti topshirilgan. Bu haqda tuman hokimligi axborot xizmati xabar bermoqda.

Shuningdek, shu kuni Dehqonobod tumanida yashovchi 99 yoshli 2-jahon urushi qatnashchisi Abdulhakim bobo Jabborovga Prezident nomidan maxsus sovg‘a va 12 mln so‘m pul mukofoti topshirilgan. Bundan tashqari hokimlik keksa «veteran»ning uyini ta'mirlash uchun qo‘shimcha 20 mln so‘m ajratgan.

Eslatib o‘tamiz, ayni kunda viloyatda 22 nafar urush qatnashchisi istiqomat qiladi.