Andijon shahrining ba'zi hududlarida tabiiy gaz o‘chiriladi

“Bog‘ishamol” gaz tarqatish shoxobchasi 2-tarmog‘ining chiqish qismidagi yuqori bosimli gaz quvuridagi nosozlikni bartaraf etish maqsadida Andijon shahrining ba'zi hududlarida tabiiy gaz o‘chiriladi.

“Bog‘ishamol” gaz tarqatish shoxobchasi 2-tarmog‘ining chiqish qismidagi yuqori bosimli gaz quvuridagi nosozlikni bartaraf etish, zulfinlarni ta'mirlash hamda “Yoyilma” (1-son) MFY hududidagi diametri 89 mm bo‘lgan yer osti gaz quvurining nosoz qismini ta'mirlash ishlari olib borilishi rejalashtirilgan. 

Shunga ko‘ra, Andijon shahrining “Yoyilma” (1-son), “Sog‘lom avlod” (2-son), “Iqbol”, “O‘rikzor” (3-son), “Barkamol” (4-son), “Qoratut” (5-son), “A.Bakirov”, “H.Ahmedov”, “Yangihayot”, “Bog‘ishamol”, “Chorvador”, “Oxunboboyev”, “Pistamozor”  hamda “O‘zbegim” MFYlari o‘ramidagi aholi xonadonlari  va ulgurji iste'molchilar uchun 2021 yil 10 may  kuni soat 10:00 dan 17:00 ga qadar gaz ta'minoti vaqtinchalik to‘xtatiladi. 

Ta'mirlash ishlari tugatilgandan so‘ng tabiiy gaz ta'minoti qayta tiklanadi.