Samarqandda yana bir OTM tashkil etildi

Hukumatning tegishli qarori bilan Samarqand davlat universitetining Kattaqo‘rg‘on filiali tashkil etildi.

Ma'lum qilinishicha, qarorga ko‘ra:

• Filialda ta'lim faoliyati 2021/2022 o‘quv yilidan boshlanadi;
• Samarqand viloyati, Kattaqo‘rg‘on shahar, Amir Temur ko‘chasi, 27-uy manzilida joylashgan sobiq Samarqand davlat chet tillar instituti huzuridagi 2-son akademik litseyining bino va inshootlari filialga operativ boshqaruv huquqi asosida bepul beriladi;
• Kelgusi yillarda filial uchun qo‘shimcha o‘quv binosi, 2 ta talabalar turar joyi binolari, sport inshooti quriladi;
• Samarqand viloyati hokimligi filial faoliyatini samarali tashkil etish maqsadida faoliyat yuritish uchun jalb etiladigan malakali professor- o‘qituvchilarni belgilangan tartibda xizmat uylari bilan ta'minlaydi.

Ma'lumot uchun, 2020 yil 4 iyun kuni normativ-huquqiy hujjatlar loyihalari muhokamasi portali regulation.gov.uz’da Vazirlar Mahkamasining Samarqand viloyatida yuqori malakali kadrlar tayyorlash tizimini kengaytirish va yanada takomillashtirish chora-tadbirlari to‘g‘risidagi ID-18502-sonli qarori loyihasi muhokama uchun joylashtirilgan edi.

«Urgut» erkin iqtisodiy zonasi yanada kengaytiriladi, SamDUning Urgut filiali ochiladi

SamDUning Kattaqo‘rg‘on filiali va Transport universitetining Kattaqo‘rg‘on filiali tashkil etiladi