Toshkentda ayrim ko‘chalarda transport harakati cheklanishi mumkin

Poytaxtda ayrim ko‘chalarda transport vositalari harakati vaqtincha cheklanishi mumkin. Bu haqda IIV YHXB xabar berdi.

Qayd etilishicha, huquqbuzarliklarning oldini olish, favqulodda holatlar yuzaga kelganda tezkorlikni oshirish maqsadida, Toshkent shahar IIBB YHXB YPXB xodimlari va Milliy gvardiya harbiy xizmatchilari tomonidan o‘quv mashg‘ulotlari o‘tkaziladi.

Shu munosabat bilan, 2021 yil 22 may kuni soat 08:00dan 10:00gacha poytaxtning Temur Malik, Do‘rmon yo‘li, Mirzo Ulug‘bek, Mustaqillik, Buyuk ipak yo‘li, Maxtumquli, Islom Karimov, Afrosiyob, Oybek, Nukus va Shahrisabz ko‘chalarida transport vositalari harakati qisqa muddatga cheklanishi mumkin.

Bundan oldin, Toshkentda ayrim ko‘chalar vaqtinchalik yopilishi xabar qilingandi.