Farg‘onada O‘zbekiston, Qirg‘iziston va Tojikiston delegatsiyalari chegara masalalari bo‘yicha uchrashuv o‘tkazdi

Uchrashuv yakunida tegishli protokol imzolandi. Hukumat delegatsiyalarining navbatdagi uchrashuvi Qirg‘izistonda bo‘lib o‘tadi.

Foto: gov.kg

Farg‘onada O‘zbekiston, Qirg‘iziston va Tojikiston delegatsiyalari chegara masalalari bo‘yicha uchrashuv o‘tkazdi. Bu haqda Qirg‘iziston vazirlar mahkamasi matbuot xizmati xabar berdi.

«Tomonlar muzokaralar davomida uch mamlakat davlat chegaralarining tutashuv nuqtalari joylashishi bo‘yicha takliflar almashdi. Tadbir yakuniga ko‘ra tegishli protokol imzolandi», — deyiladi xabarda.

Ma'lumot berilishicha, hukumat delegatsiyalarining navbatdagi uchrashuvi Qirg‘izistonda bo‘lib o‘tadi.

25 mart kuni Toshkentda o‘zbek-qirg‘iz chegarasini delimitatsiya va demarkatsiya qilish bo‘yicha O‘zbekiston va Qirg‘iziston hukumat delegatsiyalarining uchrashuvi bo‘lib o‘tgandi.

Muzokaralar yakuniga ko‘ra hukumat delegatsiyalari protokol imzolagan hamda chegaralardagi bahsli uchastkalar bo‘yicha barcha masalalar hal etilgandi.