Viloyatlarda yozda ham «svet» o‘chyapti. Rasmiylar esa issiqda uydan tashqariga chiqmaslikni so‘rashgan

O‘zbekistonda odatda elektr energiyasidagi uzilishlar bilan bog‘liq muammolar yilning sovuq fasli kelishi bilan boshlanadi. Biroq, bu yil vodiy viloyatlarida iyun oyining oxirgi haftasida ham elektr ta'minotida muammolar yuzaga keldi. Aholi, ayniqsa tadbirkorlar yozning jaziramasida kuniga 3-4 martalab tok o‘chayotgani haqida murojaat yo‘llay boshlashdi.