Moskvadagi ommaviy mushtlashuvda qatnashgan migrantlar deportatsiya qilinadi

Moskvadagi «Kuzminki» metro bekati yaqinida ommaviy mushtlashuvda qatnashgan migrantlar Rossiyadan deportatsiya qilinadi. Bu haqda Moskva shahar IIV bosh boshqarmasi xabar qildi.

Bundan tashqari, ular sud qaroriga ko‘ra jarimaga tortiladi. Aniqlik kiritilishicha, «qator shaxslarga nisbatan» Rossiyaga kirish taqiqlanadi.

Ma'lumot berilishicha, mushtlashuvdan so‘ng politsiya bo‘limlariga 103 nafar shaxs olib kelingan. Ularga nisbatan mayda bezorilik va Rossiyada bo‘lish qoidalarini buzish moddalari bo‘yicha ma'muriy bayonnomalar tuzilgan.

13 iyul kuni «Kuzminki» metrosi bekati yaqinida ommaviy mushtlashuv sodir bo‘ldi. Nizoda Tojikiston va Qirg‘iziston fuqarolari qatnashgan.