Prezident ijtimoiy qo‘llab-quvvatlash tizimini takomillashtirish yuzasidan yig‘ilish o‘tkazadi

O‘zbekiston prezidentining matbuot kotibi Sherzod Asadov bugun, 26 iyul kungi brifingda davlat rahbarining joriy hafta ish rejasi haqida ma'lumot berdi.

Foto: Prezident matbuot xizmati

Unga ko‘ra, Shavkat Mirziyoyev 26 iyul kuni Toshkent shahrida amalga oshirilishi rejalashtirilgan yangi loyihalar taqdimoti bilan tanishadi. 27 iyul esa kon-metallurgiya sanoati rivoji bilan tanishuv reja qilingan.

Prezident hafta davomida ijtimoiy qo‘llab-quvvatlash tizimini takomillashtirish yuzasidan yig‘ilish o‘tkazadi.

Shuningdek, hududlar va tarmoqlarda iqtisodiy o‘sish sur'atlarini ta'minlash bo‘yicha videoselektor yig‘ilishi ham mo‘ljallangan.

Sherzod Asadovga ko‘ra, prezidentning tadbirkorlar bilan uchrashuvi avgust oyining 1-yarmiga rejalashtirilmoqda. Tadbirkorlar davlat rahbariga o‘z takliflarini 31 iyulga qadar yuborishlari mumkin.