Xorazmda tadbirkorga ajratilgan yer maydonini sotmoqchi bo‘lgan firibgar ushlandi

Bosh prokuratura huzuridagi Departament hamda DXX Xiva shahar bo‘limi tomonidan o‘tkazilgan tezkor tadbirda firibgarlik jinoyati bilan bog‘liq holat fosh etildi.

Fuqaro I.A. «G.» MChJga Urganch tumani hududidan yengil tipdagi issiqxona qurish uchun ajratilgan 0,7 gektar yer maydonining 15 sotixini fuqaro T.ga uy-joy qurish uchun ajratib berishni va'da qilib, oldindan kelishilgan 8 400 AQSh dollarini firibgarlik yo‘li bilan olgan vaqtida ashyoviy dalillar bilan ushlangan. 

Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.