Toshkentda yerosti yo‘lagi shiftining bir qismi o‘pirilib tushdi

Toshkent metrosining “Buyuk ipak yo‘li” bekatiga olib tushuvchi yerosti yo‘laklaridan birida shift qoplamasining bir qismi qulab tushdi, deb ma'lum qildi Favqulodda vaziyatlar vazirligi axborot xizmati.

12 avgust kuni soat taxminan 14:30da ro‘y bergan hodisada yo‘lak shiftiga o‘rnatilgan kompozit panel (alyukobond) o‘pirilib tushgan.

Jabrlanuvchilar yo‘qligi ma'lum qilindi.

“Keyinchalik ma'lum bo‘lishicha, konstruksiyaning bir qismi yerosti o‘tish yo‘lagi ustida joylashgan chimni sug‘orish natijasida to‘plangan suvning og‘irligi tufayli qulab tushgan.

Qulash jiddiy oqibatlarni keltirib chiqarmagan. Bir necha daqiqa davomida hodisa joyi shift bo‘laklaridan tozalangan”, – deyiladi Favqulodda vaziyatlar vazirligi axborotida.