Qashqadaryoda yo‘l-patrul xizmati inspektori boshqaruvidagi Lacetti «avariya»ga uchradi

Ijtimoiy tarmoqlarda Qashqadaryo viloyatining Chiroqchi tumanida YPX inspektori boshqaruvida bo‘lgan Lacetti xizmat mashinasi ishtirokida yo‘l-transport hodisasi sodir bo‘lgani haqida xabarlar tarqaldi.

Kun.uz manbasining ma'lum qilishicha, mazkur hodisa 2021 yil 17 avgust kuni, taxminan soat 17:00 larda sodir bo‘lgan.

Voqea guvohlarining so‘ziga ko‘ra, yo‘l-patrul xizmati xodimi Lacetti bilan quvib o‘tish qoidasini qo‘pol tarzda buzgan va o‘zidan oldinda harakatlanib ketayotgan boshqa bir Lacetti bilan to‘qnashuv sodir etgan. Oqibatda har ikkala mashina shikastlangan va yo‘l chetiga chiqib ketgan.