Qirg‘iziston mamlakatga afg‘onistonlik qochqinlar kirgani to‘g‘risidagi xabarni rad etdi

Qayd etilishicha, Tojikiston va O‘zbekiston bilan chegarada xavfsizlikni ta'minlash maqsadida vaqtinchalik chegara postlari o‘rnatilgan.

Qirg‘iziston chegara xizmati mamlakatga afg‘onistonlik qochqinlar kirgani to‘g‘risidagi xabarni rad etdi.

«Qirg‘izistonga Afg‘onistondan qochqinlar kirgani haqida ijtimoiy tarmoqlarda tarqalgan ma'lumot noto‘g‘ri. Qirg‘iziston Afg‘oniston bilan umumiy chegaraga ega emas», — deyiladi mamlakat chegara xizmati xabarida.

Qayd etilishicha, chegara xizmati Afg‘onistonda yuz berayotgan voqealar va Tojikiston, O‘zbekiston va Turkmaniston bilan chegaradosh hududlardagi vaziyatni diqqat bilan kuzatmoqda.

Xabar qilinishicha, Tojikiston va O‘zbekiston bilan chegarada xavfsizlikni ta'minlash maqsadida vaqtinchalik chegara postlari o‘rnatilgan.