Xorijiy oliy ta'lim muassasalariga o‘qishga kiritib qo‘yishni va'da qilgan firibgar ushlandi

Ikki nafar fuqaroni xorijiy oliy ta'lim muassasasiga tanishlari orqali o‘qishga kiritib qo‘yishni va'da qilib 3200 AQSh dollari so‘ragan firibgar ushlandi. Bu haqda Iqtisodiy jinoyatlarga qarshi kurashish departamenti ma'lum qildi.

Bosh prokuratura huzuridagi Departament hamda DXXning Sirdaryo viloyati boshqarmasi tomonidan o‘tkazilgan tezkor tadbirda, fuqaro U.K. ikki nafar fuqaroning ishonchiga kirib, ularni 3 200 AQSh dollari evaziga Toshkent shahridagi xorijiy oliy ta'lim muassasalariga tanishlari orqali o‘qishga kiritib qo‘yishni va'da qilib, oldindan 1 800 AQSh dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.