Turkiya yarimoy shaklidagi o‘z «Pentagon»ini quradi

Turkiya hukumati o‘z «Pentagon»ini: Vashingtondagi mudofaa vazirligi binosidan bir yarim baravar katta bo‘lgan harbiy-ma'muriy majmuasini quradi, deb xabar berdi Business Insider.

«Bu yerda dushmanlarimizga dahshat soladigan va do‘stlarimizga ishonch beradigan inshoot quramiz», — degan Turkiya prezidenti Rajab Toyyib Erdo‘g‘an bino tamal toshini qo‘yish marosimida.

Xabar qilinishicha, majmua maydoni 8,8 million kvadrat metrdan ortiq bo‘ladi. Solishtirish uchun – Vashingtondagi Pentagon maydoni 6 million kvadrat metrga yaqin. Majmua 15 minggacha xodimni sig‘dira oladi.

Majmua yulduz va yarimoy shaklidagi binolarni o‘z ichiga oladi. Shu tarzda majmua Turkiya va boshqa musulmon mamlakatlar bayroqlaridagi ramzlarni aks ettiradi.