Qirg‘izistonning yana bir sobiq bosh vaziri “Qumtor” koni ishi bo‘yicha ushlandi
Qayd etilishicha, Otorbayev bosh vazirlik davrida xorijiy kompaniya manfaatlari uchun “Qumtor”dagi Lisiy va Davidov muzliklari yo‘q qilinishiga sharoit yaratib bergan.
Qirg‘iziston sobiq bosh vaziri Joomart Otorbayev “Qumtor” konidagi korrupsiya ishi bo‘yicha surishtiruv doirasida ushlandi. Bu haqda mamlakat davlat milliy xavfsizlik qo‘mitasi matbuot xizmati xabar berdi.
“16 sentyabr kuni Otorbayevni ushlash yuzasidan qaror chiqarildi”, – deyiladi xabarda.
Qayd etilishicha, Otorbayev bosh vazirlik davrida xorijiy kompaniya manfaatlari uchun “Qumtor”dagi Lisiy va Davidov muzliklari yo‘q qilinishiga sharoit yaratib bergan. Xususan, u konda ekologik ekspertiza o‘tkazish bilan shug‘ullangan tegishli organlarga bosim o‘tkazgan.
“Gumonlanuvchi davlat milliy xavfsizlik qo‘mitasining vaqtinchalik saqlash izolyatoriga joylashtirildi”, – deyiladi xabarda.
Otorbayev 2014-2015 yillarda Qirg‘iziston hukumatiga rahbarlik qilgan.
Avvalroq Qirg‘iziston sobiq prezidenti Sooranbay Jeenbekov “Qumtor ishi” doirasida milliy xavfsizlik davlat qo‘mitasiga guvoh sifatida so‘roq berish uchun chaqirtirilgandi.
Ushbu ish bo‘yicha sobiq bosh vazirlar Muhammadkaliy Abilgaziyev va Temir Sariyev hibsga olingan. Yana bir sobiq bosh vazir Omurbek Babanov hech qayoqqa ketmaslik haqidagi tilxat bilan ozodlikka chiqarilgan.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024