Istanbulda erkak suratga tushish vaqtida qadimiy zambarak ichida tiqilib qoldi

Istanbulda bir erkak Usmoniylar imperiyasi vaqtidagi zambarak ichida suratga tushishga qaror qilib, uning ichida tiqilib qoldi. Bu haqda Daily Mail nashri xabar berdi.

Ta'kidlanishicha, antiqa hodisa Barbaros maydonida yuz bergan. Erkak yorqin surat olish maqsadida zambarak stvoli ichiga kirib olgan, biroq keyin tashqariga chiqa olmagan.

Dastlab unga do‘stlari yordam berishga uringan, biroq ular o‘z urinishlari besamar ketgach, qutqaruvchilarni chaqirtirishgan. Qutqaruvchilar erkakni chiqarib olish uchun maxsus moydan foydalanib, uni zambarak “iskanjasi”dan xalos etishgan.

Ma'lumotlarga ko‘ra, erkakka shikast yetmagan.