AQShda Xitoyning tahdidlariga qarshi kurashish markazi tashkil etiladi

AQShda Xitoy tahdidlariga qarshi kurashish markazi – Xitoy bilan bog‘liq missiyalar markazi (China Mission Center, CMC) tashkil etiladi. Bu haqda Markaziy razvedka boshqarmasi direktori Uilyam Berns ma'lum qildi.

Foto: Reuters

“Markaz biz XXI asrda to‘qnash kelayotgan eng muhim geosiyosiy tahdid ustidagi ishimiz – tobora adovatlashib borayotgan Xitoy hukumatiga qarshilik ko‘rsatish bo‘yicha jamoaviy ishimizni yanada mustahkamlaydi”, deb ma'lum qilgan MRB rahbari.

Boshqarma ma'lumotlariga ko‘ra, markaz Xitoy tomondan solinadigan global tahdidlarga javob berish uchun zarur. Bernsning ta'kidlashicha, “tahdid Xitoy xalqidan emas, balki hukumatidan taralmoqda”.