Germaniyada aholiga elektr energiyasi to‘lovi uchun chegirmalar joriy etiladi

Germaniyada narxlarning keskin o‘sishi sharoitida aholiga yordam berish uchun elektr energiyasiga 42,7 foiz chegirma beriladi. Bu haqda Reuters xabar bermoqda.

Mamlakat hukumati iste'molchilarning elektr energiyasi xarajatlarini qoplash uchun moliyaviy yordam ko‘rsatadi. Buning uchun 3,77 mlrd dollarga yaqin mablag‘ ajratiladi.

Verivox portalining ma'lumot berishicha, natijada yiliga 4000 kVt/s elektr energiyasi iste'mol qiladigan o‘rtacha oila yiliga 132 yevro mablag‘ni tejashi mumkin bo‘ladi.

Shu bilan birga, aksariyat energiya ishlab chiqaruvchilar Germaniyada 2022 yilda qayta tiklanuvchi energiya ishlab chiqarish o‘sishini bildirmoqda.