Samarqandda koronavirusga qarshi kurashgan tibbiyot xodimlariga ustama to‘lab berilmayotgani aytildi
Ijtimoiy tarmoqlarda Ishtixon tumanida koronavirusga qarshi kurashgan tibbiyot xodimlariga 275 million so‘mlik ustamalar to‘lab berilmagani aytilgan xabarlar tarqaldi. Viloyat sanitariya-epidemiologik osoyishtalik va jamoat salomatligi boshqarmasi axborot xizmati xabar bo‘yicha munosabat bildirdi.
Ma'lum qilinishicha, Samarqand viloyat sanitariya-epidemiologik osoyishtalik va jamoat salomatligi boshqarmasi mutaxassislari tomonidan Ishtixon tumanida koronavirusga qarshi kurashgan tibbiyot xodimlariga 275 million so‘mlik ustamalar to‘lab berilmagani aytilgan xabarlar yuzasidan o‘rganish ishlari olib borilgan.
Ishtixon tuman sanitariya-epidemiologik osoyishtalik va jamoat salomatligi bo‘limida Ishtixon tuman Moliya bo‘limi tomonidan 2021 yil 14 iyulda chiqarilgan №57-sonli buyruqqa asosan moliyaviy o‘rganish ishlari olib borilgan. Unga ko‘ra, 2021 yil aprel, may oylarida koronavirus infeksiyasining tarqalishiga qarshi kurashish tadbirlariga jalb qilingan sanitariya-epidemiologik osoyishtalik va jamoat salomatligi xizmati xodimlari va boshqa xodimlariga nisbatan qo‘shimcha kunlik 6 foizlik ustama to‘lovlari moliyalashtirilmagani aniqlangan.
Qayd etilishicha, ushbu mablag‘lar to‘lovi 2021 yil 27 iyulda barcha tibbiyot va boshqa ishchi xodimlarga nisbatan amalga oshirilgan. «Hozirgi kunda koronavirus infeksiyasining tarqalishiga qarshi kurashish tadbirlariga jalb qilingan sanitariya-epidemiologik osoyishtalik va jamoat salomatligi xizmati xodimlari va boshqa xodimlariga nisbatan qo‘shimcha kunlik 6 foizlik ustama to‘lovlari o‘z vaqtida moliyalashtirilmoqda», deyiladi xabarda.
Mavzuga oid
19:23 / 25.09.2024
Samarqandda qarovsiz holda quritib yuborilgan bog‘lar masalasi prokuratura nazoratiga olindi
16:16 / 25.09.2024
Toshkentdan Buxorogacha tezyurar poyezdlar uchun yangi temiryo‘l quriladi - prezident
19:33 / 24.09.2024
Xalqaro miqyosdagi ko‘zbo‘yamachilik: Samarqandda qurib yotgan uchta bog‘
12:50 / 24.09.2024