Toliblar Rossiyada o‘tkazilgan muzokaralarni muvaffaqiyatli deb baholadi

«Tolibon» vakili Zabihulla Mujohid harakat vakillarining Moskvaga safari bo‘yicha izoh berdi.

Mujohidning so‘zlariga ko‘ra, toliblarning Rossiya hukumati vakillari bilan uchrashuvi Afg‘onistonda barqarorlikni saqlash, mamlakat aktivlarini blokdan chiqarish va mintaqada qo‘llab-quvvatlanishga bag‘ishlandi.

Muzokaralar muvaffaqiyatli o‘tdi, dedi u.

Bundan tashqari, «Tolibon» delegatsiyasi Qatar va O‘zbekistonda ham bo‘ldi.

Toshkentda O‘zbekiston-Afg‘oniston chegarasidagi xavfsizlik va bojxona xizmatlari hamkorligi, Dohada esa Qatar bilan savdo aloqalarini kengaytirish masalalari muhokama qilindi, dedi Mujohid.