9 oyda O‘zbekistondan deyarli 1,5 mln kishi turistik maqsadda chiqib ketdi

Joriy yilning to‘qqiz oyida O‘zbekistondan chet elga sayohat qilish maqsadida 1 million 446 ming nafar fuqaro chiqib ketgan. Bu haqda Davlat statistika qo‘mitasi xabar berdi.

Shu bilan birga, jami sayyohlar sonidan 1 million 229 ming nafari MDH davlatlariga tashrif buyurgan bo‘lsa, atigi 217 ming nafari boshqa yo‘nalishlarga yo‘l olgan.

Eslatib o‘tamiz, avvalroq 6 oy ichida O‘zbekistondan boshqa davlatlarga doimiy yashash uchun 10,6 ming kishi chiqib ketgani xabar qilingandi. Eng ko‘p fuqaro Qozog‘istonga ko‘chib kelgan – 7 013 kishi. Ikkinchi o‘rinda Rossiya – 2 699 kishi, uchinchi o‘rinda Tojikiston – 233 kishi.