Hindiston bosh vazirining Twitter’dagi sahifasi hakerlar tomonidan buzildi
Hindiston bosh vaziri Narendra Modining Twitter’dagi akkauntiga hakerlik hujumi sodir etildi. Hakerlar sahifada Hindistonda endilikda bitkoynlar bilan to‘lovlarni amalga oshirish mumkinligi haqida xabar qoldirgan.
“Bosh vazir Narendra Modining akkaunti qisqa muddatga buzildi. Ushbu vaqt ichida unda e'lon qilingan tvitlar inobatga olinmasligi lozim”, deb aytilgan Modi devonxonasida.
Bloomberg’ning xabar berishicha, devonxonada bosh vazir sahifasida Hindistonda bitkoyn qonuniy to‘lov vositasi sifatida qabul qilinishiga ruxsat berilgani, mamlakat bitkoynlar sotib olgani va ularni odamlar orasida tarqatishi haqida tvitlar joylashtirilgani ma'lum qilingan.
O‘z navbatida, Twitter’da Modining sahifasi buzilganidan xabar topishlari bilanoq uning ustidan nazoratni tiklash uchun barcha zarur choralar ko‘rilgani ma'lum qilingan.
Modining ijtimoiy tarmoqdagi sahifasi bir yil avval, 2020 yil sentyabrda ham buzilgan. O‘shanda bosh vazir sahifasida u amerikalik aktyor Kianu Rivz ijrosidagi film qahramoni Jon Uik tomonidan buzib kirilgani haqida xabar qoldirilgan. Shundan keyin hakerlar tomonidan sahifada Modi koronavirusga qarshi kurash uchun tashkil etgan jamg‘armaga kriptovaluta xayriya qilishga chaqiriq bo‘lgan bir nechta tvit joylangan.
Mavzuga oid
22:14 / 27.08.2024
Putinning “qadrdon do‘sti” Kiyevda. Modi va Zelenskiy uchrashuvi qanday o‘tdi?
10:00 / 24.08.2024
Hindiston bosh vaziri Kiyevda Ukraina va Rossiyani muzokaraga chaqirdi
22:11 / 23.08.2024
Hindiston bosh vaziri o‘zini Ukrainaning «do‘sti» deb atab, tinchlikka erishishga yordam berishni va’da qildi
15:26 / 23.08.2024