SSV: O‘zbekistonga olib kelingan va yurtimizda ishlab chiqarilgan vaksinalar miqdori 50 mln dozaga yaqinlashdi

Sog‘liqni saqlash vazirligi O‘zbekistonga olib kelingan va yurtimizda ishlab chiqarilgan koronavirusga qarshi vaksinalar miqdori 50 million dozaga yaqinlashgani haqida xabar qildi.

«Bugun yurtimizga Xitoydan 1 000 000 doza ZF-UZ-VAC2001 vaksinasi olib kelindi. 

Shunday qilib, O‘zbekistonda foydalanilayotgan vaksinalar miqdori 49 036 368 dozani tashkil qilib, 50 million dozalik marraga yaqinlashmoqda», deyiladi xabarda.

Shundan: 

• 2 404 480 dozasi AstraZeneca;
• 37 789 938 dozasi ZF-UZ-VAC2001;
• 1 341 790 dozasi Sputnik V; 
• 3 000 060 dozasi Moderna;
• 2 316 600 dozasi Pfizer/BioNTech;
• 1 976 000 dozasi Sinovac;
•  207 500 dozasi Sputnik Light vaksinasidir.

Shundan 36 064 004 dozasi emlash jarayonlarida qo‘llangan.